मोफत वृत्तपत्र वाचनालयात मराठी, हिंदी, गुजराथी, उर्दु व सिंधी भाषेतील वर्तमानपत्रे तसेच पाक्षिके, दैनिके वाचनासाठी ठेवली जात असून संस्थेची सभासद नसलेली कुठलीही व्यक्ती या विभागात येऊन विनामूल्य लाभ घेऊ शकतात, तसेच तीन महिन्या पर्यंतची वर्तमानपत्रे संस्थेमध्ये ठेवली जातात.

५ ते १२ वर्ष वयोगटाच्या मुलांसाठी येथे नृत्य कार्यशाळा डिसेंबर २०१२ पासून सुरू करण्यात आली आहे.

संदर्भ विभागात साहित्यसुची कोश इतिहास मराठी ग्रंथसूची गॅझिटियर चरित्र कोश संस्कृती कोश अशा प्रकारची तीन हजाराहून अधिक पुस्तक व खंड आहेत. १९५१ पूर्वी प्रसिध्द झालेल्या मराठी पुस्तकांच्या ३३ मायक्रोफिल्म (सूक्ष्म फिती) आहेत.

पुस्तक हेच असे एकमेव शाश्वत व सक्षम साधन आहे ज्याच्या माध्यमातून मुलांचा सर्वांगीण विकास होऊ शकतो ,म्हणूनच मुलांच्या दृष्टिने उपयुक्त असा सर्व विषयांवरिल पुस्तकांनी तसेच मासिकांनी समृध्द असा किशोर विभाग कार्यरत आहे.

दिवाळी अंक योजनेसाठी सभासदांकडून स्वतंत्र अनामत रक्कम, माफक वर्गणी तसेच प्रवेश वर्गणी स्विकारली जाते.  या विभागातील दिवाळी अंक मासिक विभागातील सभासदांना त्यांच्या नियमित मासिक वर्गणीमध्ये सहा महिन्यानंतर वाचनासाठी उपलब्ध करून दिली जातात.  तसेच एक वर्षानंतर सदर दिवाळी अंक संस्थेच्या साधारण तसेच तहह्यात सभासदांना विनामुल्य वाचनासाठी उपलब्ध करून दिले जातात.

नामवंत लेखकांच्या स्वाक्ष-या असलेल्या अनेक ग्रंथाचे येथे खास जतन केले आहे.

मासिक विभागात मराठी, इंग्रजी हिंदी भाषांची एकूण ८१ मासिके येतात.